Thứ 2, 21/08/2017, 11:29 GMT+7
ស្តេច ថៃ សោយទិវង្គត រាជទាយាទ មហា​ វ៉ាជីរ៉ាឡុងកន​ នឹងស្នងរាជ្យ
08:10, 15/10/2016
តាមអ្នកយកព័ត៌មាន​នៃភ្នាក់ងារ​ព័ត៌មាន​វៀតណាមប្រចាំនៅ​ បាងកក ​ព្រះមហាក្សត្រ ថៃ ភូមិបុល អាឌុលយ៉ាដេត បាន​សោយ​ទិវង្គត​នៅ​វេលា​ម៉ោង​ ១៥ និង ៥២ នាទី នាថ្ងៃទី ១៣​ ខែ តុលា  ក្នុងព្រះជន្ម​ ៨៨ ព្រះវស្សា។ តាមការគ្រោងទុកជាមុន គណៈរដ្ឋមន្ត្រីប្រទេស ថៃ នឹង​ប្រជុំជា​បន្ទាន់​ដើម្បី​ពិភាក្សាអំពី​បញ្ហាទាំងឡាយដែលពាក់ព័ន្ធនឹងការស្នងរាជ្យនិង​ស្ថានភាពប្រទេសជាតិ។
ក្នុងរូបថត​ (ឯកសារ)៖ ព្រះមហាក្សត្រ ​ថៃ ព្រះ​ចៅ ភូមិបុល អាឌុល​យ៉ា​ដេត នៅរាជធានី បាងកក នាថ្ងៃ​ ទី​ ៥ ខែ ធ្នូ ឆ្នាំ ២០០៩។  រូបថត៖ AFP/ទីភ្នាក់ងារព័ត៌មានវៀតណាម

ព្រះ​មហាក្សត្រ ​​ព្រះ​​ចៅ​ ភូមិបុល អាឌុលយ៉ាដេត ​ប្រសូត្រនៅ​ឆ្នាំ​ ១៩២៧។​ តាម​រដ្ឋ​ធម្មនុញ្ញ​ ​ថៃ​​​ ព្រះអង្គ​​​បានទទួល​ការ​តែង​តាំង​ធ្វើ​ជាស្តេច​នៅឆ្នាំ​ ១៩៤៦ បន្ទាប់​ពី​​ព្រះ​ជេដ្ឋា​គឺ​​​​​​ស្តេច ​អាណាន់​ដា ម៉ា​ហ៊ី​ដុល សោយ ទីវង្គត។ ក្រោយពេល​ស្នង​រាជ្យ​ ព្រះអង្គ​បាន​​​យាង​ទៅ​ប្រ​ទេស ស្វីស ដើម្បី​បញ្ចប់​នូវ​កម្មវិធីជំនាញ​ខាងផ្នែក​ច្បាប់​​និង​​វិទ្យាសាស្ត្រ​​នយោបាយ​។
ក្នុងរូបថត (ឯកសារ)៖ ព្រះមហាក្សត្រ ​ថៃ ព្រះ​ចៅ ភូមិបុល អា​ឌុល​យ៉ា​ដេត (ខាងឆ្វេង) រាជទាយាទ​ មហា​ វ៉ាជីរ៉ាឡុងកន​ និង មហាក្សត្រិយ ស៊ីរីគិត នៅរាជធានី បាងកក នា​ថ្ងៃ​ទី ៥ ខែ​ ធ្នូ ឆ្នាំ ១៩៩៩

ព្រះមហាក្សត្រ ​ថៃ ព្រះ​ចៅ ភូមិបុល អា​ឌុល​យ៉ា​ដេត ស្នងរាជ្យជា​ផ្លូវ​ការ​នៅ​ឆ្នាំ​ ១៩៥០ គឺជា​ព្រះរាជា​គ្រង​រាជ្យយូរជាងគេ​បំផុត​លើ​ពិភពលោក​នាបច្ចុប្បន្ននេះ។
 
ក្នុងរូបថត (ឯកសារ)៖ នាយករដ្ឋមន្ត្រី​ ថៃ លោក​ ប្រា​យុទ្ធ ចាន់​អូ​ចា នៅ​សម័យ​ប្រជុំ​លើក​ទី ៧១ ​មហាសន្និបាត អង្គការសហប្រជាជាតិនៅទីក្រុង ញូវយ៉ក សហរដ្ឋអាមេរិក នាថ្ងៃ​ទី​ ២២ ខែ កញ្ញា

នាថ្ងៃ​ទី ១៣ ខែ​ តុលា នាយករដ្ឋមន្ត្រី ​ថៃ លោក​ប្រា​យុទ្ធ ចាន់អូ​ចា ​ប្រកាសថា រាជទាយាទ មហា​ វ៉ាជីរ៉ាឡុង កន​​ នឹង​ចូល​ស្នង​តំណែងអតីតព្រះមហាក្សត្រ ភូមិបុល អាឌុលយ៉ាដេត ទើបតែសោយ​ទិវង្គត​។​
 
ក្នុងរូបថត (ឯកសារ)៖ ព្រះរាជទាយាទ ថៃ មហា​ វ៉ាជីរ៉ាឡុងកន​  នៅរាជធានី​ បាងកក​ នាថ្ងៃ​ទី ១៣ ខែ ឧសភា ឆ្នាំ ២០១៥

តាមច្បាប់ស្នងរាជ្យនៃរាជវង្ស រាជទាយាទ មហា វ៉ាជីរ៉ាឡុងកន នឹងក្លាយជាអ្នកស្នងរាជ្យរបស់ព្រះមហាក្សត្រ ភូមិបុល អាឌុលយ៉ាដេត។
ទីភ្នាក់ងារព័ត៌មានវៀតណាម/កាសែតរូបភាពជនជាតិនិងតំបន់ភ្នំ
យោបល់មិត្តអ្នកអាន
បញ្ចេញមតិ
ព័ត៌មានទាក់ទងទាំងឡាយ៖