Thứ 4, 19/06/2019, 18:1 GMT+7
៤០ ឆ្នាំក្រោយការរំដោះប្រទេកម្ពុជាចេញពីរបបខ្មែរក្រហមប្រល័យពូជសាសន៍៖
ជ័យជម្នះនៃបុព្វហេតុដ៏យុត្តិធម៌និងស្មារតីអន្តរជាតិអធនស្អាតស្អំបរិសុទ្ធ ឧត្តុង្គឧត្តម - អត្ថបទទី ៤
15:29, 06/01/2019
«ទាំង​ប្រជា​ជន​កម្ពុជា ទាំង​ប្រជា​ជន​នៅ​លើ​ពិភព​លោក​បាន​ទទួល​ស្គាល់​ថា ប្រ​សិន​បើ​មិន​មាន​ជ័យ​ជម្នះ​​ថ្ងៃ​ ៧ មករា ឆ្នាំ​ ១៩៧៩​ នោះ​ទេ ក៏​ពុំ​មាន​ការ​រស់​ឡើង​វិញ​សម្រាប់​ប្រជន​និង​ប្រទេស​កម្ពុជា​នោះ​ដែរ។ ហើយ​​ប្រសិន​បើមិន​មាន​​ការជួយឧបត្ថម្ភ​​ពី​សំណាក់មិត្តរួមកង​វៀតណាម​ប្រកបដោយភារភាពនោះ កម្ពុជា​មិន​អាច​ដណ្ដើម​បាន​ជ័យជម្នះ​ជា​ស្ថាពរ​ទេ​ ហើយ​ក៏មិនអាចសម្រេច​បាន​នូវ​លទ្ធផលសមិទ្ធផល​ដូច​សព្វ​ថ្ងៃ​ដែរ។ នេះ​គឺ​ជា​ការពិត​មិន​អាច​​ប្រកែក​បានឡើយ»។
នោះ​គឺ​ជា​ការអះអាង​​របស់​​លោក កែវ ​ច័ន្ទតារា អគ្គនាយក​រង​នៃ​ទីភ្នាក់ងារ​សារព័ត៌មាន​កម្ពុជា (AKP)​ នៅ​ក្នុងការផ្ដល់​សម្ភាសចំពោះ​អ្នក​សារព័ត៌មាន​នៃ​ទីភ្នាក់​ងារ​ព័ត៌មាន​វៀតណាម ហើយ​ជាង​នេះ​ទៀត​សោត វា​ក៏​ជា​ការ​សន្និដ្ឋាន​​រួម​នៃ​អ្នក​​សារព័ត៌មាន អ្នក​ឯកទេស អ្នក​ជំនាញ​ជា​ច្រើន​​នៅ​ពេល​ដែល​​ជជែក​អំពី​អត្ថ​ន័យ​នៃ​ព្រឹត្តិការណ៍​ ៤០ ​ឆ្នាំ​រំដោះ​កម្ពុជា​ចេញ​ពី​របប​ប្រល័យ​ពូជសាសន៍​ខ្មែរ​ក្រហមនិង​តួនាទី​របស់​កង​ទ័ព​ស្ម័គ្រ​ចិត្ត​វៀតណាម​ផង​ដែរ។

អត្ថបទទី ៤៖ បញ្ជាក់​អំពី​តួនាទី​នៃ​កងទ័ព​ស្ម័គ្រចិត្ត​វៀតណាម
មិន​អាច​បដិសេធ​បាន
នឹករំលឹកអំពីអំឡុង​ខែ​ឆ្នាំ​ដែល​ស្ថិត​ក្រោម​របប​​ប្រល័យពូជសាសន៍ខ្មែរក្រហម លោក ទាវ សារៈ មុនី អគ្គ​និពន្ធនាយកនៃកាសែតដែលចេញផ្សាយប្រចាំថ្ងៃរស្មីកម្ពុជា​បានចែករំលែកថា៖ នាឆ្នាំ១៩៧៥ កាលនោះលោកទើបតែមានអាយុជាង ១០ ឆ្នាំ ពួក​ខ្មែរ​ក្រហម​បានជម្លៀស​ក្រុម​គ្រួសារ​លោកក៏ដូចជា​ប្រជាជន​ដែល​រស់​នៅ​រាជធានី​អោយ​ទៅ​នៅ​តំបន់​ជនបទ។ ក្រួសារ​លោក​ត្រូវ​បាន​ពួក​ខ្មែរ​ក្រហម​កត់ចូល «សៀវភៅបញ្ជីខ្មៅ» ដោយសារ​តែ​ឪពុក​របស់​លោក​កាល​នោះជាគ្រូបង្រៀន គឺ​ជាបញ្ញាវ័ន្ត។ ទាំងឪពុក ទាំង​ក្រុម​សាច់ញាតិ​របស់​លោក​ត្រូវ​បាន​ពួក​ខ្មែរក្រហម​កាប់​សម្លាប់ចោល ហើយ​ប្អូន​ស្រី​របស់​​លោក​ក៏​បាន​ស្លាប់ដោយកើត​ជំងឺ​តែ​មិន​បាន​ទទួល​ការ​ព្យាបាល​នោះទេ។
អ្នកកាសែត កែវ ​ច័ន្ទតារា អគ្គនាយករងនៃទីភ្នាក់ងារព័ត៌មានកម្ពុជា (AKP) អញ្ជើញផ្ដល់បទសម្ភាសន៍ដល់អ្នកយកព័ត៌មាននៃទីភ្នាក់ងារព័ត៌មានវៀតណាម ប្រចាំនៅកម្ពុជា។ រូបថត៖ ទីភ្នាក់ងារព័ត៌មានវៀតណាម

សម្រាប់​លោក ទាវ​ សារៈ អំឡុង​​រយៈពេលប្រមាណជា ​​៣ ​ឆ្នាំ​ដែល​ស្ថិត​ក្រោម​ការ​គាបសង្កត់​ពី​របប​ប្រល័យ​ពូជ​សាសន៍​ខ្មែរ​ក្រហម​​ គឺ​ជាការ​​ចង​ចាំ​ដ៏​ឈឺចាប់​បំផុត​​មួយ​ដែល​លោក​មិន​អាច​បំភ្លេច​បានឡើយ។ ​អាស្រ័យដោយ​​ជ័យ​ជម្នះ​ជា​ប្រវត្តិសាស្ត្រ​ថ្ងៃ ៧ មករា ឆ្នាំ​ ១៩៧៩ ក្រុម​គ្រួសារ​លោកក៏​ដូច​ជា​អ្នក​រង​គ្រោះ​ទាំង​ឡាយ​នៃ​របប​ប្រល័យ​ពូជសាសន៍​​ត្រូវ​បាន​រំដោះ ហើយ​លោក​ក៏​អាច​បន្ត​ការ​សិក្សា​ដើម្បី​នឹង​ក្លាយ​ជា ​អ្នក​សារព័ត៌មាន អ្នកកាសែត​ចាប់​ពី​ឆ្នាំ ​១៩៨៥ ហើយ​បម្រើ​ការ​ងារ​នៅ​កាសែត​រស្មី​កម្ពុជា​ ​កាសែត​​​ភាសា​ខ្មែរ​ប្រចាំ​ថ្ងៃ​ដែល​មាន​អាយុកាល​យូរ និង​ការ​ចេញ​ផ្សាយ​ច្រើនជាគេ​បំផុត​នៅ​ប្រទេស​​កម្ពុជា​ចាប់​ពី​ឆ្នាំ​ ១៩៩៣​ រហូត​មក​ដល់​​សព្វ​ថ្ងៃ​នេះ។

អោយ​តម្លៃ​ទៅ​លើ​​តួនាទី​របស់​​កង​ទ័ព​ស្ម័គ្រ​ចិត្ត​វៀតណាម​ចំពោះ​ជ័យជម្នះ​ថ្ងៃ ៧ មករា ឆ្នាំ​១៩៧៩ អ្នកសារព័ត៌មាន ទាវ​ សារៈ មុនី​ បាន​ដក​ស្រង់​នូវ​ប្រសាសន៍​របស់​សម្ដេច​តេជោហ៊ុនសែន នាយក​រដ្ឋមន្ត្រី​នៃ​ព្រះ​រាជាណាចក្រ​កម្ពុជាដែលថ្លែងក្នុងដំណើរបំពេញ​ទស្សនកិច្ច​​ជា​ផ្លូវ​ការ​នៅ​ប្រទេស​វៀត​ណាមថ្មីៗនេះ ដោយបាន​អះអាង​​នូវ​​តួនាទី​​​សម្រេចរបស់​​វៀត​ណាម​ក្នុង​ការ​ជួយ​ឧបត្ថម្ភ​ដល់​ប្រទេសកម្ពុជា​គឺ​ជា​ការពិត​ដែល​មិន​អាច​​បដិសេធ​បានឡើយ។

ប្រសិនបើមិនមានជ័យជម្នះនៃថ្ងៃ ៧ ខែ មករា ឆ្នាំ ១៩៧៩​ នោះទេ ហើយប្រសិនបើមិន​មាន​ការ​ជួយឧបត្ថម្ភពីសំណាក់កងទ័ពស្ម័គ្រចិត្តវៀតណាម ក៏ដូច​ជា​ពី​សំណាក់​បក្ស​ រដ្ឋ ​រដ្ឋាភិបាល និង​ប្រជាជន​​វៀតណាមអស់​រយៈ​ពេល​ ១០ ​ឆ្នាំ (១៩៧៩-១៩៨៩) នោះទេ ប្រជាជននិងប្រទេសជាតិ​កម្ពុជា​ក៏​មិន​អាច​រស់​រានមានជីវិតឡើង​វិញ និង​អភិវឌ្ឍ​ដូច​សព្វ​ថ្ងៃ​នេះ​ឡើយ ជា​ពិសេស​គឺ​ក្រោយ​ថ្ងៃ​ដែល​ត្រូវ​បាន​រំដោះ ប្រទេស​កម្ពុជា​ត្រូវ​ប្រឈម​មុខ​ជា​មួយ​នឹង​បញ្ហា​ធំៗ​ចំនួន​ពីរគឺ​ កសាង​ប្រទេស​ជាតិនិង​ទប់​ស្កាត់​ការ​វិលត្រឡប់មក​វិញ​នៃ​របប​ប្រល័យ​ពូជ​សាសន៍​ខ្មែរ​ក្រហម។

និយាយ​ប្រាប់​អ្នក​សារព័ត៌មាន​នៃ​ទី​ភ្នាក់ងារ​ព័ត៌មាន​វៀតណាម លោក​ Peter Starr សញ្ជាតិ​​អូស្ត្រាលី​ ​ទី​ប្រឹក្សាផ្នែកសារគមនាគមន៍​​នៃទីស្ដីការរដ្ឋសភា​​​កម្ពុជាបាន​អោយ​ដឹង​ថា៖ ព្រឹត្តិការណ៍​​​នៃ​ថ្ងៃ​ទី ៧ ខែ មករា ឆ្នាំ​១៩៧៩ អាច​ចាត់​ទុក​ថា​ជា​ថ្ងៃ​ដ៏មានសារៈ​សំខាន់​បំផុត​សម្រាប់​ប្រជាជន​កម្ពុជា​ទូទៅ បានកត់ត្រានូវ​សេរីភាព រួច​ផុត​ពី​របប​ប្រល័យ​ពូជសាសន៍​ខ្មែរ​ក្រហម។ បើ​តាម​លោក​ផង​ដែរ ប្រសិន​បើ​មិន​មាន​ការ​ជួយ​ឧបត្ថម្ភ​ពី​សំណាក់​កងទ័ព​ស្ម័គ្រចិត្ត​វៀតណាម​ទេ​នោះ​ ប្រជាជន​​កម្ពុជា​រាប់​សិប រាប់​ពាន់​​នាក់ផ្សេងៗ ទៀតអាច​នឹង​ត្រូវ​បាន​​កាប់​សម្លាប់ក្រោម​របប​ប្រល័យ​ពូជ​សាសន៍​ខ្មែរ​ក្រហម​នេះ។

ការ​រស់ឡើង​វិញ​នៃ​កម្ពុជា
លោក ឆាំង យុ នាយក​មជ្ឈ​មណ្ឌល​ឯកសារ​កម្ពុជា (DC-Cam) អង្គការ​ក្រៅ​រដ្ឋាភិបាលដែល​​​​​​សិក្សា​ស្រាវជ្រាវ​​​ ប្រមូល​នូវ​ភ័ស្ដុតាង​អំពីអំពើ​ឧក្រិដ្ឋ​របស់​ខ្មែរ​ក្រ​ហម​​​ ក៏​បាន​អះអាង​នូវ​អត្ថន័យ​ដ៏​ធំធេង​នៃ​ព្រឹត្តិការណ៍​ថ្ងៃ ៧ ខែ មករា ឆ្នាំ ​១៩៧៩​​ ចំពោះ​ប្រទេស​កម្ពុជាដែរ។ រំលឹកពីអំឡុង​ខែ​ឆ្នាំ​ដែល​ស្ថិត​របប​ប្រល័យ​ពូជសាសន៍​ខ្មែរ​ក្រហម​ ​លោក ឆាំង យុ កាល​នោះ​ទើប​តែ​មាន​អាយុ​ប្រហែល ១៣ ១៤ ​ឆ្នាំ​ ប៉ុណ្ណោះ ប៉ុន្តែ​លោក​ក៏​បាន​​ឃើញ​ផ្ទាល់​ភ្នែកទិដ្ឋភាព​ក្រុម​គ្រួសារ​លោក​ត្រូវ​បាន​បណ្ដេញ​អោយ​ទៅ​រស់​នៅ​ខេត្ត ​តាកែវ រួច​មក​អោយ​ទៅ​ខេត្ត​បន្ទាយមានជ័យ ដែល​មាន​ព្រំប្រទល់​ជាប់​នឹង​ព្រំដែន​ប្រទេស​ថៃឯណោះ។

លោក ឆាំង យុ រំលឹក​ឡើង​វិញ​នូវ​ស្ថានការណ៍​ដែល​ប្រជាជន​កម្ពុជា​​ក្រោម​របប​​ខ្មែរ​ក្រហម ​មិន​មានអាហារសម្រាប់ទទួលទាន ប៉ុន្តែ​ត្រូវ​ធ្វើ​ការងារ​​យ៉ាង​ធ្ងន់ធ្ងរ​និង​ទុក្ខ​លំបាក ហើយ​ជីវិត​រស់​នៅ​ពេល​នោះ​គឺ​បាន​ត្រឹម​តែ​​ក្ដី​សង្ឃឹម​តែ​មួយគត់​​នោះគឺ​បាន​រស់​រាន​មាន​ជីវិត​នៅ​ថ្ងៃ​នេះ ដោយ​ទាំង​មិន​ហ៊ាន​ស្រមើស្រមៃ​ថា​នឹង​បាន​រស់រាន​មាន​ជីវិត​ទៅ​ដល់​ថ្ងៃ​ស្អែក។

«ការ​ជួយ​ឧបត្ថម្ភ​របស់​កងទ័ព​ស្ម័គ្រ​ចិត្ត​វៀតណាម​ក្នុង​ការ​​ផ្ដួល​រំលំ​របប​ប្រល័យ​ពូជសាសន៍​ខ្មែរ​ក្រហម គឺជា​ចាំបាច់​​ត្រូវ​តែ​កើតឡើង​នៅ​កាលៈទេសៈ​ប្រវត្តិសាស្ត្រ​ ភូមិសាស្ត្រ​នយោបាយ​នៃ​ប្រទេស​ទាំង​ពីរ។ កងទ័ព​ស្ម័គ្រ​ចិត្ត​វៀតណាម​បាន​ជួយ​អោយ​ប្រទេស​កម្ពុជា​បាន​រស់​ឡើង​វិញ»  លោក ឆាំងយុ នាយក​មជ្ឈ​មណ្ឌល​ឯកសារ​កម្ពុជា បានចែករំលែកដូច្នេះ។
នាយកមជ្ឈមណ្ឌលឯកសារកម្ពុជា ឆាំង យុ ផ្ដល់បទសម្ភាសន៍ដល់អ្នកយកព័ត៌មាននៃទីភ្នាក់ងារព័ត៌មានវៀតណាម ទីប្រចាំនៅ កម្ពុជា។ រូបថត៖ ទីភ្នាក់ងារព័ត៌មានវៀតណាម
 
បើ​តាម​លោក ឆាំង យុ ការ​ជួយ​ឧបត្ថម្ភ​​របស់​កងទ័ព​ស្ម័គ្រ​ចិត្ត​វៀតណាម​ ជា​ចាំ​បាច់​គឺ​ត្រូវ​តែ​កើត​ឡើង​​ក្នុង​កាល​ជា​ចាំ​បាច់​គឺ​ត្រូវ​តែកើតឡើង​នៅកាលៈទេសៈពិសេសនៃប្រវត្តិសាស្ត្រ ភូមិសាស្ត្រនយោបាយ​ ព្រោះ​ថាខ្មែរ​ក្រហម​បាន​កាប់​សម្លាប់​​​ដោយបង្ហូរឈាម​ប្រជាជន​កម្ពុជា។ ​​អ្នក​ដែល​​ភៀស​ខ្លួន​ពី​កម្ពុជា​ទៅកាន់​ប្រទេស​ថៃ​​បានរាយការណ៍​ប្រាប់​ពិភព​លោក​អោយ​ដឹង​​អំអីសោកនាដកម្ម​ប្រល័យ​ពូជសាសន៍ ក៏​ប៉ុន្តែ​​មិន​មាន​ប្រទេស​ណា​មួយ​នៅ​ក្នុង​តំបន់​មក​ធ្វើ​អន្តរគមន៍​ឡើយ។ ហេតុ​ដូច្នោះ​ហើយ លោក​ ឆាំង យុ​ បាន​អះអាង​​ថា ​វត្តមាន​នៃ​កង​ទ័ព​​វៀត​ណាម​គឺ​ជា​ការ​ស្រាយ​​នូវ​ចំណង​យ៉ាង​សំខាន់​ក្នុង​ការបញ្ចប់​របប​ខ្មែរ​ក្រហម ដែល​មិន​អាច​ដោះ​ស្រាយ​តាមវិធី​​ចរចា​បាន​នោះ​ទេ​ គឺ​ចាំ​បាច់​ត្រូវ​តែ​ប្រើ​វិធានការ​យោធា។

លោក​​​បាន​ប្រាប់​ផង​ដែរ​ថា បច្ចុប្បន្នកំពុង​តែ​ប្រមូល​បាន​នូវ​ឯកសារ​មួយ​​ចំនួន​ស្ដីពីការណ៍ដែល​អង្គការ​លើកលែងទោស​អន្តរជាតិធ្លាប់​ខិត​ខំ​ក្នុង​ការ​​ចរចា​តែ​បរាជ័យជា​មួយ​ខ្មែរ​ក្រហម​ក្នុង​ឆ្នាំ​១៩៧៦។ ហេតុ​ដូច​នេះហើយ លោក​បាន​អះអាង​ថា​បញ្ហា​ប្រល័យ​ពូជសាសន៍​គឺ​ចាំ​បាច់​ត្រូវ​តែ​មានការ​អន្តរាគមន៍​ដោយ​​យោធា ហើយ​មាន​តែ​កងទ័ព​វៀត​ណាម​តែ​មួយ​គត់​​ដែល​នៅ​ក្នុង​តំបន់​នេះ​អាច​ដោះ​ស្រាយ​បាន​នូវ​​បញ្ហា​មួយ​នេះ។ បើ​តាម​លោក នេះ​គឺ​ជា​ការ​ឆ្លើយ​តប​មួយ​ចំពោះសោកនាដកម្ម​ប្រល័យ​ពូជសាសន៍​ ហើយ​ប្រសិន​បើ​​មិន​មាន​ការ​ជួយ​ឧបត្ថម្ភ​ពី​សំណាក់​កង​ទ័ព​ស្ម័គ្រ​ចិត្ត​វៀតណាម​ទេ​នោះ ប្រទេស​កម្ពុជា​អា​នឹង​ក្លាយ​ជា​ប្រទេសផ្ដាច់​ការ​​មួយ។ អាស្រ័យដច្នេះ វត្តមាន​នៃ​កង​ទ័ព​ស្ម័គ្រ​ចិត្ត​វៀតណាម​​​បាន​ធ្វើ​អោយ​ផ្លាស់​ប្តូរ​​ប្រវត្តិសាស្ត្រ​នៃ​កម្ពុជា​រហូត​មកទល់​នឹង​​​បច្ចុប្បន្នកាល ពាំនាំ​មក​ការ​រស់រានមានជីវិត​ឡើង​វិញ​សម្រាប់​ប្រជាជន​កម្ពុជា។

លោក ឆាំងយុ នាយក​មជ្ឈ​មណ្ឌល​ឯកសារ​កម្ពុជា​មានប្រសាសន៍បាន​អោយ​ដឹង​ថា៖ ប្រការ​សំខាន់​នោះគឺ​ជាមួយនឹង​ជួយ​ឧបត្ថម្ភ​នៃ​កងទ័ព​ស្ម័គ្រ​ចិត្ត​វៀតណាម​ ប្រទេស​កម្ពុជា​​បាន​បញ្ឈប់​បាន​នូវ​ទំព័រ​ប្រវត្តិសាស្ត្រ​នៃ​ការបង្ហូរ​ឈាម រួច​ផុត​ពី​គ្រោះមហន្តរាយ​ប្រល័យ​ពូជ​សាសន៍​​ដោយសកម្មភាព​អន្តរាគមន៍​យោធា ហើយ​នាពេល​បច្ចុប្បន្ន​គឺ​ត្រូវ​បាន​ដោះ​ស្រាយ​​តាម​ផ្លូវ​ច្បាប់​ដោយបើក​សវនាការ​កាត់​ទោស​​អតីតមេ​ដឹកនាំ​ខ្មែរ​ក្រហមដែល​កំពុង​តែ​ប្រព្រឹត្ត​ឡើង​នៅ​កម្ពុជា​ក្រោមជំនួយពី​អង្គការ​សហប្រជាជាតិ​​។

ភារកិច្ច​បន្ត​នោះ​គឺ​បញ្ឈប់​របប​នោះ​ឆ្លង​តាម​រយៈការ​អប់​រំ នេះ​ជា​ប្រការ​ដែល​លោក​ចាត់​ទុក​ថា​​មាន​អត្ថន័យ​ដ៏​ធំធេង​និង​មាន​សារៈសំខាន​​យ៉ាង​ខ្លាំង​សម្រាប់​ប្រជាជន​កម្ពុជា ​​ដើម្បី​នឹង​ឆ្ពោះ​ទៅ​រក​អនាគត ផង តែ​មិន​បំភ្លេច​​មេរៀន​ទាំង​អម្បាល​ម៉ាន​​ក្នុង​អតីតកាលផង។ ទន្ទឹម​នឹង​នោះ នេះ​ក៏​ចាត់​ទុក​ជា​ការ​ចែក​រំលែក​នូវ​មេរៀនអំពី​ការ​ទុក្ខ​លំបាក​ដែល​ប្រជាជន​កម្ពុជា​ធ្លាប់​រង​គ្រោះ ​ឆ្លង​កាត់ ហើយ​បាន​រស់រានមានជីវិត​ឡើង​វិញ​ដូច​នាពេល​បច្ចុប្បន្ននេះ សម្រាប់ប្រទេសជាតិទាំងឡាយ​នៅ​ក្នុង​តំបន់​និង​នៅ​លើ​ពិភពលោក​។

លោក ឆាំង យុ ប្រាប់​ថា លោក​ធ្លាប់​បាន​មក​កាន់​ប្រទេស​វៀតណា​តាំងពី​ឆ្នាំ​ ១៩៩៨​ ដើម្បី​ស្វែង​យល់​ សិក្សាស្រាវ​ជ្រាវ​​អំពី​ប្រទេស​វៀតណាមនិង​ទំនាក់​ទំនង​រវាង​វៀតណាមនិង​កម្ពុជា។ ដូចនេះ​ហើយ លោក​ក៏​បាន​យល់​នូវ​ទស្សនៈ​នៃ​ទាហាន​វៀតណាម​ឆ្លង​តាម​រយៈ​ជំនួប​និង​ពិភាក្សាទាំងឡាយ ហើយ​ជំហាន​បន្ត​ទៀតសម្រាប់​ទំនាក់​ទំនងរវាង​ប្រទេស​ទាំង​ពីរ​​នោះ​គឺ​​ត្រូវ​តែ​អប់​រំ​អោយ​ប្រជាជន​យល់​ដឹងអោយ​ច្បាស់​អំពី​បញ្ហា​ខ្មែរ​ក្រហម។
ទំព័រក្របមុខនៃសៀវភៅ "ប្រវត្តិសាស្ត្រ​កម្ពុជា​ប្រជាធិបតេយ្យ​" បោះពុម្ភផ្សាយដោយមជ្ឈមណ្ឌលឯកសារកម្ពុជា ជាកម្រងឯកសារផ្ដល់ព័ត៌មានជាច្រើនប្រកបដោយភាពសត្យានុម័ត គ្រប់ជ្រុងជ្រោយស្ដីអំពីប្រភពដើមនិងឧក្រិដ្ឋកម្មទាំងឡាយនៃក្រុមខ្មែរក្រហមប្រល័យពូជសាសន៍ដែលដឹកនាំដោយ ប៉ុលពត។ ប្រភព DC-Cam
 
នាយក​មជ្ឈ​មណ្ឌល​ឯកសារ​កម្ពុជា​​ ឆាំង យុ ជា​ជន​រង​គ្រោះមួយ​ក្រោម​របប​ខ្មែរ​ក្រហម ដែល​មាន​សំណាង​​បាន​រស់​រាន​មាន​ជីវិត​ដោយ​ភៀស​ខ្លួន​រត់ចូលជំរំ​ជន​ភៀស​ខ្លួន​នៅ​តាម​បណ្ដោយ​ព្រំដែន​ថៃ​ជាប់​នឹង​កម្ពុជា មុនពេលចូលសញ្ជាតិនិងរស់នៅជាអចិន្ត្រៃយ៍នៅ​សហរដ្ឋអាមេរិក។ ក្រោយអំឡុង​ពេល​ជាង​បី​ទស្សវត្សរ៍អញ្ជើញត្រឡប់​មកមាតុប្រទេស​​កម្ពុជា​​វិញ​ លោក​មាន​បំណងប្រាថ្នាគឺធ្វើយ៉ាងណាអោយ​សមិទ្ធផល​នៃការ​ងារ​ទាំង​ឡាយ​របស់​ខ្លួននឹងពាំនាំ​មក​នូវ​យុត្តិធម៌​សម្រាប់​ជន​រង​គ្រោះ​ទាំង​ឡាយ​នៃ​របប​​ប្រល័យ​ពូជសាសន៍​ ក៏​ដូចជា​​អ្នក​ទាំង​ឡាយ​ណា​ដែល​បាន​រួម​ចំណែក​ក្នុង​ការ​ផ្ដួល​រំលំ​​របប​ដ៏ឃោរឃៅ​​ព្រៃ​ផ្សៃមួយ​នេះ ជួយ​ផ្សះផ្សារ​នូវ​ការ​ឈឺ​​ចាប់​នៃប្រទេស​ជាតិ​ឆ្លង​តាម​រយៈការ​ឆ្លុះបញ្ចាំង​នូវ​ទំព័រសោកនាដកម្មបំផុតក្នុង​ប្រវត្តិសាស្ត្រនៃប្រជាជាតិ​កម្ពុជា។
ទីភ្នាក់ងារ​សារព័ត៌មាន​វៀតណាម
អត្ថបទទី ៥ (បន្តចប់) ជ័យជម្នះនៃបុព្វហេតុដ៏យុត្តិធម៌
និងស្មារតីអន្តរជាតិអធនស្អាតស្អំបរិសុទ្ធឧត្តុង្គឧត្តម
យោបល់មិត្តអ្នកអាន
បញ្ចេញមតិ
ព័ត៌មានទាក់ទងទាំងឡាយ៖