Chủ nhật, 29/03/2020, 9:43 GMT+7
COVID-19៖ ក្រសួងសុខាភិបាលបន្តជូនព័ត៌មានអំពីអ្នកជំងឺទី ១១៧ និង ១១៨
14:55, 23/03/2020
កាលពីរសៀលថ្ងៃទី ២៣ ខែ មីនា ប្រភពព័ត៌មានពីក្រសួងសុខាភិបាលអោយដឹងថា ប្រព័ន្ធអង្កេតតាមដានជំងឺកូវីដ ១៩ នៅតំបន់ភាគខាងត្បូងបានរកឃើញ ២ ករណីសង្ស័យនៅខេត្ត តីនិញ។ វត្ថុសំណាកត្រូវបានផ្ញើមកវិទ្យាស្ថានប៉ាស្ទ័រទីក្រុង ហូជីមិញ សម្រាប់ធ្វើតេស្តដោយបច្ចេកទេស realtime RT-PCRហើយមានទ្ធផលវិជ្ជមាននឹងវីរុស SARS-CoV-2 ។
ដូច្នេះ គិតមកដល់ពេលនេះ វៀតណាម កត់សម្គាល់មាន ១១៨ ករណីឆ្លងជំអឺកូវីដ ១៩។ អ្នកជំងឺទី ១១៧ ភេទប្រុស សញ្ជាតិ វៀតណាម អាយុ ៣៣ ឆ្នាំ ស្នាក់នៅស្រុក តឹនហ៊ឹង ខេត្ត ឡុងអាន ប្រកបមុខរបរបច្ចេកវិទ្យាព័ត៌មាន។
កងកម្លាំងចត្តាឡឺស័កពិនិត្យសុខភាពអន្តរជាតិ វាស់កម្តៅខ្លួនអ្នកដំណើរឆ្លងដែននៅច្រកទ្វារព្រំដែនអន្តរជាតិ ម៉ុកបាយ។ រូបថត៖ ថាញ់តឹន - ទីភ្នាក់ងារព័ត៌មានវៀតណាម

ចាប់ពីថ្ងៃទី ៩ ដល់ថ្ងៃទី ១៩ ខែ មីនា ឆ្នាំ ២០២០ គាត់បានធ្វើដំណើរទេសចរណ៍ទៅប្រទេស កម្ពុជា ស្នាក់នៅសណ្ឋាគារ Infinity ទីក្រុង ភ្នំពេញ។ ថ្ងៃទី ១៦ ខែ មីនា ឆ្នាំ ២០២០ អ្នកជំងឺមានរោគសញ្ញាក្តៅខ្លួន ក្អក ពិបាកដកដង្ហើម មិនទាន់ច្បាស់អំពីការព្យាបាល។

ដល់ថ្ងៃទី ១៩ ខែ មីនា ឆ្នាំ ២០២០ អ្នកជំងឺវិលមកប្រទេស វៀតណាម  តាមច្រកទ្វារព្រំដែន ម៉ុកបាយ (ខេត្ត តីនិញ) និង បានមជ្ឈមណ្ឌលត្រួតពិនិត្យសុខភាព ចត្តាឡឺស័ក អន្តរជាតិខេត្ត តីនិញ រកឃើញនិងបញ្ជូនទៅទៅមន្ទីរពេទ្យខេត្ត តីនិញ ដាក់នៅដាច់ដោយឡែកពីគេ ព្យាបាល និង យកវត្ថុសំណាកដើម្បីធ្វើតេស្ត។

អ្នកជំងឺលេខ ១១៨ ភេទស្រី សញ្ជាជាតិ វៀតណាម អាយុ ២៣ ឆ្នាំ ស្នាក់នៅស្រុក ចូវភូ ខេត្ត អានយ៉ាង ធ្វើបុគ្គលិកនៃក្រុមហ៊ុនកាស៊ីណូនៅ កម្ពុជា។ គាត់មានជំងឺរលាកទងសួតប្រចាំកាយ។
 
គាត់ពី វៀតណាម ទៅ កម្ពុជា ធ្វើបុគ្គលិកនៃក្រុមហ៊ុន កាស៊ីណូ Galaxy ក្នុងរយៈពេលពីរសប្តាហ៍ជិតៗ នេះ លុះដល់ថ្ងៃទី ១៩ ខែ មីនា ឆ្នាំ ២០២០ ត្រឡប់មក វៀតណាម វិញ តាមច្រកទ្វារព្រំដែន ម៉ុកបាយ (ខេត្ត តីនិញ)។

នៅច្រកទ្វារព្រំដែន បុគ្គលិកចត្តាឡឺស័ក បានពិនិត្យ រកឃើញនារីម្នាក់មានអាការៈក្តៅខ្លួន ក្អក មានអារម្មណ៍ពីបាកដកដង្ហើម ទើបបញ្ជូនមកមន្ទីរពេទ្យពហុព្យាបាលខេត្ត តីនិញ ដាក់នៅដាច់ដោយឡែកពីគេ ព្យាបាល យកវត្ថុសំណាកដើម្បីធ្វើតេស្ត។

ពេលនាំចូលមន្ទីរពេទ្យ រូបភាពថតដោយកាំរស្មី  X អោយឃើញថា រលាកសួតទាំងពីរ មានជាំ។ បច្ចុប្បន្ន អ្នកជំងឺនេះត្រូវបានដាក់នៅដាច់ដោយឡែកពីគេ និងព្យាបាលជាបន្តនៅមន្ទីរពេទ្យពហុព្យាបាលរបស់ខេត្ត។
 ទេវី (កាសែតរូបភាពជនជាតិនិងតំបន់ភ្នំ-ទីភ្នាក់ងារព័ត៌មានវៀតណាម)
យោបល់មិត្តអ្នកអាន
បញ្ចេញមតិ
ព័ត៌មានទាក់ទងទាំងឡាយ៖