Thứ 4, 13/11/2019, 15:8 GMT+7
របរធ្វើគ្រឿងកុលាលភាជន៍ប្រពៃណីរបស់ជនជាតិ បាណា
14:13, 15/10/2019
របរធ្វើគ្រឿងកុលាលភាជន៍របស់ជនជាតិ បាណា នៅភូមិ កនសើម ម្លូហ៍ ឃុំ ដាក់តើរ៉ែ ស្រុក កនរ៉ី (ខេត្ត កនទុម) ធ្លាប់រីកចម្រើនយ៉ាងខ្លាំង។ 
ក៏ប៉ុន្តែ បច្ចុប្បន្ននៅតែបងប្អូនស្រី ២ នាក់ អ៊ីបែរ និង អ៊ីពឺ សមាជិកនៃគ្រួសារ បាណា មួយប្រកបមុខរបរធ្វើគ្រឿងកុលាលភាជន៍ជាច្រើនជំនាន់ហើយរហូតដល់ឥឡូវនៅតែបន្តប្រកបរបរនេះ។ 
ដំណាក់កាលបុកដីឥដ្ឋធ្វើគ្រឿងកុលាលភាជន៍របស់ជនជាតិ បាណា។ រូបថត៖ ក្វាងថាយ
ជនជាតិ បាណា មិនដុតគ្រឿងកុលាលភាជន៍នៅក្នុងឡដុតជំនាញនោះទេតែដុតក្នុងគំនរភ្លើងនៅកណ្តាលវាល។ កន្លែងសម្រាប់ដុតគ្រឿងកុលាលភាជន៍ធម្មតារាងបិទបាំងខ្យល់បន្តិចហើយឃ្លាតឆ្ងាយពីអ្វីៗ ដែលងាយឆាបឆេះ។ រូបថត៖ វ៉ាន់ញឹង

យោងតាមលោកស្រី អ៊ីបែរ (អាយុ ៦៥ ឆ្នាំ) ដើម្បីធ្វើបានផលិតផលកុលាលភាជន៍មួយគឺការជ្រើសរើសដីឥដ្ឋ គឺសំខាន់ជាងគេបំផុត។ មុននោះ ទូទាំងភូមិប្រមូលផ្តុំគ្នាវិញដើម្បីជ្រើសរើសថ្ងៃសែនព្រះធរណី។ ពេលសូនបង្កើតរូបរាងផលិតផល ស្មូនមិនប្រើម៉ាស៊ីនជំនួយទេ ពួកគាត់គ្រាន់តែប្រើថ្មមួយដុំតម្កល់អោយនឹងហើយរេជំហានវិលជុំវិញតាមទិសបញ្ច្រាស់នៃទ្រនិចនាឡិកា។ គ្រាន់តែជាមួយនឹងដំណាក់កាលផលិតដ៏សាមញ្ញៗ ដូច្នេះប៉ុន្តែស្មូនជនជាតិ បាណា បង្កើតបានបណ្តាផលិតផលដ៏សម្បូរបែបដូចជា៖ ពែង ថូផ្កា ឆ្នាំង...។
អ្នកស្រី អ៊ីពឺ រៀនធ្វើគ្រឿងកុលាលភាជន៍ពីបងស្រី អ៊ីបែរ។ រូបថត៖ ប៊ិញអាន

ដោយសារចំណាយកម្លាំងពលកម្មច្រើន ប្រាក់ចំណូលបែរជាទាបទើបបច្ចុប្បន្ននេះមិនសូវមានជនជាតិ បាណា បន្តរក្សាមុខរបរគ្រឿងកុលាលភាជន៍នេះទេ។ ដោយបារម្ភខ្លាចក្រែងភូមិរបរគ្រឿងកុលាលភាជន៍ត្រូវសាបសូន្យ លោកស្រី អ៊ីបែរ មានបំណងចង់បង្រៀនមុខរបរនេះអោយអ្នកភូមិក៏ប៉ុន្តែមានតែប្អូនស្រីគាត់គឺអ្នកស្រី អ៊ីពឺ ដែលប្តេជ្ញាចិត្តរៀនរបរនេះ។
ផលិតផលគ្រឿងកុលាលភាជន៍ត្រូវបានហាលថ្ងៃអោយស្ងួត នៅពេលឃើញ
ផលិតផលបានដល់កម្រិតស្ងួតល្មមហើយ ស្មូនជនជាតិ បាណា នឹងគូរក្បូរក្បាច់
រចនាពីលើនោះរួចយកទៅហាលថ្ងៃបន្ត។  រូបថត៖ វ៉ាន់ញឹង


ការប្រឹងប្រែងរបស់បងប្អូនស្រីជនជាតិ បាណា ទាំងពីរនាក់នេះ បាននិងកំពុងរួមចំណែកថែរក្សារបរគ្រឿងកុលាលភាជន៍នៅភូមិ កនសើមម្លូហ៍៕
អត្ថបទ៖ ប៊ិញអាន
យោបល់មិត្តអ្នកអាន
បញ្ចេញមតិ