ប្រឡង​ឃោសនា​គោលនយោបាយ​និង​ច្បាប់​ដោយ​ភាសា​ជនជាតិ

ចូលរួមប្រកួតវគ្គផ្តាច់ព្រ័ត្រមានបេក្ខសមណៈ បេក្ខជន បេក្ខនារីឆ្នើមបំផុតចំនួន ៩ នាក់ក្នុងចំណោមបេក្ខសមណៈ បេក្ខជន បេក្ខនារីជាង ៣០ នាក់មកពីខណ្ឌ ស្រុកនានារបស់ទីក្រុងដែលត្រូវបានជ្រើសរើសតាមរយៈវគ្គជម្រុះដំបូងដែលបានរៀបចំឡើងពីខែ មិថុនា ឆ្នាំ ២០១៩ កន្លងទៅហើយ។

បេក្ខជនជាអ្នករាយការណ៍ អ្នកឃោសនា គ្រូបង្រៀន សិស្ស និស្សិតទាំងឡាយដែលកំពុងរស់នៅ សិក្សារៀនសូត្រ ធ្វើការនៅទីក្រុង ហូជីមិញ អ្នកមានកិត្យានុភាពចំពោះបងប្អូនជនជាតិភាគតិច សមាជិកសម្ព័ន្ធ សមាជិករាល់អង្គការសង្គម។

ឆ្លងតាមរយៈវិញ្ញាសាប្រឡងទាំងឡាយដែលសម្តែងដោយភាសាជនជាតិដូចជា ខ្មែរ ចិន ចាម បេក្ខជនទាំងនោះបាននាំមកអោយអ្នកស្តាប់នូវចំណេះដឹងជាមូលដ្ឋានអំពីច្បាប់ គោលនយោបាយជនជាតិរបស់បក្ស រដ្ឋ ដើម្បីឃោសនា ចលនាបងប្អូនជនជាតិអនុវត្តច្បាប់នៅក្នុងជីវភាពរស់នៅប្រចាំថ្ងៃ។

ដំណឹង​និង​រូបថត​៖​ ​ស៊ន់​ឃូ​ ​-​ ​ទីភ្នាក់ងារព័ត៌មាន​វៀតណាម​

​បកប្រែ​ ​កែសម្រួល​ ​ពិនិត្យ​ផ្ទៀងផ្ទាត់​និង​បញ្ចូល​អត្ថបទ​ដោយ​៖​ ​ជ័យ​ពិសិដ្ឋ​ ​-​ ​បឹងបួ​