ក្រុមការងារបានប្រគល់ជូនទូរទស្សន៍ LCD ចំនួន ៣៥ គ្រឿង និង ២០ ចំណែក អំណោយ “បេះដូងមាស” (រួមមានឆ្នាំងបាយអគ្គិសនី កំសៀវដាំទឹកអគ្គិសនី មុង ភួយ) សរុបជាទឹកប្រាក់ជាង ១០០ លានដុង។
នេះគឺជាសកម្មភាពដែលស្ថិតក្នុង “កម្មវិធីជូនអំណោយសុខមាលភាពសង្គម ទទួលឆ្នាំថ្មី តេត ឆ្នាំ មមែសប្ដស័ក ២០១៥” ដោយ គណៈចង្អុលការ តីបាក់ ចលនាបណ្ដាអង្គភាព សហគ្រាសទាំងឡាយជួយគាំទ្រ។
នៅក្នុងពិធីប្រគល់ជូនអំណោយ លោក ង្វៀនទៀនហៀន ប្រធាននាយកដ្ឋាន វប្បធម៌-សង្គម នៃគណៈចង្អុលការ តីបាក់ បានសាកសួរសុខទុក្ខបងប្អូនយ៉ាងស្មោះស្ម័គ្រនិងជួនពរដល់គ្រួសារទាំងអស់ទទួលឆ្នាំថ្មីយ៉ាងសប្បាយរីករាយ សុខក្សេមក្សាន្តនិង សុភមង្គល។ លោក ង្វៀនទៀនហៀន បានអោយដឹងថា ក្នុងពេលខាងមុខនេះនឹងខិតខំប្រមូលផ្តុំគោលនយោបាយឧបត្ថម្ភច្រើនទៀត សំដៅជួយប្រជាជននៅស្រុកទាំងពីរ មឿងចា នឹមពោ និយាយដោយឡែកនិងខេត្ត ឌៀនបៀន និយាយរួមលុបបំបាត់ភាពអត់ឃ្លាន កាត់បន្ថយភាពក្រី្រ អភិវឌ្ឍសេដ្ឋកិច្ច។
ឆ្លើយតបទៅនឹងការយកចិត្តទុកដាក់របស់បក្សនិងរដ្ឋ ជាពិសេសគឺមនោសញ្ចេតនា របស់គណៈចង្អុលការ តីបាក់ អាជ្ញាធរមូលដ្ឋាននិងតំណាងគ្រួសារទាំងឡាយដែលមានជីវភាពលំបាកលំបិនបានសំដែងនូវក្ដីសោមនស្សរីករាយនិងសន្យាថានឹងប្តេជ្ញាចិត្តធ្វើពលកម្មបង្កបង្កើនផល ឈានឡើងរួចផុតពីភាពក្រីក្រដើម្បីរួមកម្លាំងស្ថាបនាស្រុកកំណើតអោយមួយថ្ងៃកាន់តែស្រស់ស្អាត សំបូររុងរឿង។
មុននោះ គណៈចង្អុលការ តីបាក់ ក៏បានប្រគល់ជូនអំណោយសុខមាលភាពសង្គម ទទួលឆ្នាំថ្មី តេត ឆ្នាំ មមែសប្ដស័ក ២០១៥ នៅបណ្ដាខេត្ត ឡាយចូវ ឡាវកាយ និង អៀនបាយ៕