ទុន FDI លើភូមិសាស្រ្តនៃបណ្ដាខេត្ត តីបាក់ ជាសំខាន់គឺប្រមូលផ្តុំទៅលើវិស័យឧស្សាហកម្មកែច្នៃនិងច្នៃបង្កើតជាមួយ ៦៨ គម្រោង ទុនវិនិយោគសរុប ៩០,៥ លាន USD (ស្មើនឹង ៧៨% នៃទុនវិនិយោគទាំងអស់)។ បន្ទាប់ពីនោះគឺ វិស័យធ្វើអាជីវកម្មរ៉ែគឺមាន ៣ គម្រោងដោយមានទុនវិនិយោគសរុបចុះក្នុងបញ្ជីគឺ ១៥១,៥ លាន USD (ស្មើនឹង ២៧,៥ % នៃទុនវិនិយោគទាំងអស់)។ ចំណាត់ថ្នាក់ទី ៣ គឺវិស័យសិល្បៈកំសាន្តសប្បាយជាមួយគម្រោង ៣ អស់ទឹកប្រាក់ ៨៦ លាន USD ស្មើនឹង ៥% នៃទុនវិនិយោគទាំងអស់។
ជ្រុងមួយនៃទីក្រុង ឡាវកាយ។ រូបថត៖ ទីភ្នាក់ងារពត៌មាន វៀតណាម |
មាន ១៨ ប្រទេសនិងអាណាខេត្តដែលមានគម្រោងបណ្ដាក់ទុនលើភូមិសាស្រ្តនៃបណ្ដាខេត្ត តីបាក់ ក្នុងនោះនាំមុខគេគឺបណ្ដាសហគ្រិនមកពីប្រទេស ចិន ជាមួយគម្រោងចំនួន ៤០ ទុនវិនិយោគសរុប គឺ ៨៩០ លាន USD (ស្មើនឹង ៥១,៤% នៃទុនវិនិយោគទាំងអស់) បន្ទាប់ពីនោះគឺបណ្ដាដៃគូ ជប៉ុន អូស្ត្រាលី ជាមួយទុនវិនិយោគជាបន្តបន្ទាប់គឺ ១៤៧,៨ លាន USD និង ១៣៦ លាន USD ។
ក្នុងចំណោមមូលដ្ឋានទាំង ៦ នៃតំបន់ តីបាក់ នាំមុខគេក្នុងការទាក់ទាញទុនវិនិយោគពីបរទេសគឺ ឡាវកាយ ជាមួយគម្រោងចំនួន ៣៥ ទុនវិនិយោគសរុប ចុះបញ្ជីមានចំនួន ៨៧៥ លាន USD (ស្មើនឹង ៥០,៥% នៃទុនវិនិយោគ)។ បន្ទាប់ពីនោះគឺ ហ្វាប៊ិញ ជាមួយ ៣៣ គម្រោង ទុនវិនិយោគសរុបចុះបញ្ជីគឺ ៤៣៥,៤ លាន USD។ ខេត្ត ស៊ឺនឡា មាន ១០ គម្រោងជាមួយទឹកប្រាក់ ២៨០ លាន USD។ ខេត្ត អៀនបាយ មាន ២៣ គម្រោងជាមួយទុនវិនិយោគសរុបចុះបញ្ជីគឺ ១៣៧,៦ លាន USD។ ខេត្ត ឡាយចូវ ជាមួយ ៥ គម្រោង ទុនវិនិយោគសរុបគឺ ៤ លាន USD ។ ចុងក្រោយបង្អស់គឺខេត្ត ឌៀនបៀន មាន ១ គម្រោងជាមួយទុនវិនិយោគសរុប ១២៩.០០០ USD ប៉ុន្តែប្តូរមកជាទុនវិនិយោគក្នុងស្រុកវិញ។